سوشل میڈیا پر جنت مرزا اور بشریٰ انصاری آمنے سامنے - Actress Bushra Ansari and tik tok star Janat Mirza

Actress Bushra Ansari and tik tok star Janat Mirza came face to face on social media. Recently, an FIA petition was filed against tick talk star Janat Mirza for hurting the feelings of the Christian community, saying that Janat Mirza should be arrested for hurting the religious feelings of the Christian community.

اداکارہ بشریٰ انصاری اور ٹک ٹاک اسٹار جنت مرزا سوشل میڈیا پر آمنے سامنے آگئیں۔

حال ہی میں ٹک ٹاک اسٹار جنت مرزا کے خلاف مسیحی برادری کے جذبات مجروح کرنے پر ایف آئی اے میں درخواست دائر کی گئی ہے جس میں کہا گیا ہے کہ جنت مرزا کو کرسچن کمیونٹی کے مذہبی جذبات مجروح کرنے کے لیے گرفتار کیا جائے۔

اداکارہ بشریٰ انصاری نے جنت مرزا کے خلاف درخواست دائر ہونے پرردعمل دیتے ہوئے ان پر تنقید کی ہے اور انہیں جاہل اسٹارز قرار دیتے ہوئے کہا ہے ’’افسوس انہیں اسلام کا پتہ ہے نہ کسی اور مذہب کا‘‘۔

بعدازاں انہوں نے اپنی یہ پوسٹ ڈیلیٹ کردی تھی لیکن اس کا اسکرین شاٹ سوشل میڈیا پر وائرل ہوگیا۔

بشریٰ انصاری کے اس کمنٹ پر نہ صرف جنت مرزا بلکہ ان کی بہن علیشبہ انجم نے بھی اداکارہ کو سخت تنقید کا نشانہ بنایا۔

جنت مرزا نے اپنی اسٹوری میں لکھا کہ 'برائے مہربانی کسی کو جاننے سے پہلے اس کے بارے میں رائے قائم نہ کریں اماں جی (آنٹی بشریٰ)'۔

جنت مرزا نے مزید کہا کہ 'میں آپ کی بہت عزت کرتی ہوں لیکن آپ کسی کی حقیقت جانے بغیر بدنام نہیں کرسکتیں، اسلام کی بات آپ کیسے کرسکتی ہیں آنٹی، آپ کوئی تبلیغی جماعت نہیں چلا رہیں'۔

صرف جنت مرزا نے نہیں بلکہ ان کی چھوٹی بہن ٹک ٹاک اسٹار الیشبا انجم نے بھی بشریٰ انصاری کے تبصرے کے جواب میں ویڈیو کے ذریعے ردعمل دیتے ہوئے کہا ہے ’’بشریٰ انصاری لوگ آپ کو دیکھتے ہیں، فالو کرتے ہیں آپ سے بہت کچھ سیکھتے ہیں۔ آپ اسلام کی بات ایسے نہ کریں کیونکہ اسلام میں گانا گانے کی اور ڈانس کرنے کی اجازت نہیں ہے۔ بات صرف اتنی ہے کہ جنت سے غلطی ہوگئی جنت اس بات پر بہت زیادہ اداس تھی اس نے دل سے سب سے معافی مانگی اور بات ختم ہوگئی۔ جن لوگوں کا جنت نے دل دکھایا ان سب نے اسے معاف کردیا قصہ وہاں پر ختم ہوگیا۔

بشریٰ انصاری آپ اس طرح کی زبان استعمال کررہی ہو اور اوپر سے کہہ رہی ہو آپ کو اسلام کا نہیں پتہ اور باقی مذاہب کا نہیں پتہ۔ ہم بڑے گنہگار ہیں ہم گانوں پر ٹک ٹاک بناتے ہیں۔ لیکن گانے گانا، اداکاری کرنا اور ڈراموں اور فلموں میں آنا اوراپنا آپ دکھانا۔ اسلام میں عورتوں کے لیے پردے کا حکم ہے تو آپ پردہ کیوں نہیں کرتیں۔ اداکاری کرنا بند کرو، گانے نہ گاؤ یہ سب بند کرکے آپ گھر میں بیٹھو۔‘‘